STUDU 12

Mostra amor i poi na lugar di otus

1 Tessalonicenses 2:7, 8

REZUMU: Pâpia ku sentimentu di korason i mostra kes algen ma bu ta preokupa ku es.

Pensa na kes algen. Pa bu pripara bu korason, lenbra di prublémas ki es ta pasa pa es. Tenta imajina modi ki es ta xinti.
Skodje bus palavra ku kuidadu. Tenta anima, konsola i da forsa pa kes algen. Ivita pâpia di kuzas ki pode ofende-s sen nisisidadi i ka bu pâpia mariadu di ses relijion ô di kuzas ki es ta kridita na es.
Mostra interesi. Mostra na bu manera di pâpia i na jéstus ki bu ta faze, ma bu ta preokupa di verdadi ku kes algen. Fika sienti na modi ki bu ta faze róstu i da un sorizu sénpri.

Ka bu forsa ô izajera sentimentus. Timenti bu sta ta lé mostra sentimentus ki sta na kel párti ki bu sta lé, má ka bu poi kes algen ta konsentra na bo. Tenta pâpia ku amor.