KUMESA TA PÂPIA KU PESOAS
LISON 1
Pâpia di kuzas ki ta interesa otus algen
Konsedju di Bíblia: “Amor... ka ta djobe se própi interesi”. — 1 Kor. 13:4, 5.
Kuzê ki Jizus faze
1. Odja VÍDIU, ô lé Juan 4:6-9. Dipôs pensa i responde kes pergunta li:
Kuzê ki Jizus repara sobri kel mudjer antis di el kumesa ta pâpia ku el?
Jizus fla: “Da-m un bokadinhu di agu.” Pamodi ki kel-li foi un bon manera di kumesa un konbérsu?
Kuzê ki nu ta prende ku Jizus?
2. Si nu kumesa ta pâpia ku un algen sobri un asuntu ki ta interesa-l, nu ta ten más xansi di ten un bon konbérsu ku el.
Imita Jizus
3. Ser ikilibradu. Ka bu insisti na kumesa ta pâpia ku un algen sobri un asuntu ki dja bu priparaba. Kumesa ta pâpia sobri algun asuntu ki pesoas sta ta pensa na el oji. Pergunta bu kabésa:
‘Kuzê ki pesoas sta obi na notísias?’
‘Sobri kuzê ki nhas vizinhu, kolégas di trabadju ô di skóla sta ta pâpia?’
4. Presta atenson. Pergunta bu kabésa:
‘Kuzê ki kel algen sta ta faze? Kuzê ki el pode sta ta pensa na el gósi?’
‘Kuzê ki ropa di kel algen, se aparénsia ô se kaza ta mostra-m sobri se kultura ô kuzê ki el ta kridita na el?’
‘Kel-li é un bon óra pa N pâpia ku kel algen?’
5. Obi.
Ka bu pâpia txeu.
Insentiva kel algen pa pâpia. Sénpri ki ta da, faze perguntas.