Bíblia ta splika modi ki un bon mudjer é

Provérbios kapítlu 31 ten un mensaji inportanti, ki mai di Rei Lemuel da-l. Es konsedju dadu ku sabedoria, inxina-l kuzê ki el debe djobeba na un bon mudjer.

Un bon mudjer é di kunfiansa

31:10-12

• El ta da bons sujiston sobri disizons ki família ta toma, má el ta kontinua ta obi ku se maridu sikrê el ka konkorda ku se disizon.

• Se maridu ta kúnfia ma el ta toma bons disizon. El ka ta iziji pa se mudjer pidi-l autorizason na tudu asuntu.

Un bon mudjer é trabadjadera

31:13-27

• El ta prende popa i el ta leba un vida sinplis pa se família sta bistidu linpu, ben konpodu i pa es kume dretu.

• El ta trabadja duru i el ta toma kónta di se kaza dia ku noti.

Un bon mudjer ten un bon amizadi ku Deus

31:30

• El ten grandi ruspetu pa Deus i el ta dizenvolve se amizadi ku Deus.