Midjora bu manera di prega — Inxina bus studanti pripara studu

PAMODI KI É INPORTANTI: Óras ki studantis di Bíblia ta pripara studu, ta fika más faxi es ntende studu i es ta konsigi lenbra kuzê ki nu inxina-s. Kada bês más ki es ntende i lenbra di kuzê ki es prende, es ta faze prugrésu más faxi. Mésmu dipôs di batismu, es meste kontinua ta pripara pa runion i pa pregason pa es pode ‘mante sienti’. (Mt 25:13) Pur isu, prende modi ki ta studadu i ten un bon prugrama di studu, ta djuda-s pa tudu ténpu di ses vida. Désdi komésu, nu debe inxina nos studanti ten ábitu di pripara ses studu di Bíblia.

MODI KI TA FAZEDU:

• 

  Da un bon izénplu. (Ro 2:21) Timenti bu sta pripara pa kada studu pensa na studanti. (km -T 11/15 p. 3) Mostra-l bu publikason di studu tudu sublinhadu.

• 

  Inxina-l modi ki el ta pripara. Óras ki studanti sta studa asériu, dexa-l sabe ma priparason ta faze párti di prugrama di studu di Bíblia i splika-l modi ki kel-la ta djuda-l. Fla-l modi ki el ta atxa ténpu pa el pripara se studu. Duránti studu, alguns publikador ta dexa studanti uza ses publikason ki sta studadu pa djuda-l odja ma é inportanti pripara studu. Óras ki el pripara studu ilojia-l.

• Mostra-l modi ki el ta pripara. Alguns publikador lógu na komésu ta uza un studu interu pa mostra studantis modi ki es ta pripara studu.