VIVE SIMA UN KRISTON
Pa faze disiplus nu meste prega i inxina
Jizus manda se sigidoris pa bai i faze disiplus. (Mt 28:19) Pa faze kel trabadju li nu meste prega i inxina. Pur isu, sénpri nu debe pergunta nos kabésa: ‘Modi ki N pode midjora nha trabadju di faze disiplu?’
TA PREGA
Envês di nu spéra pa algen ben na nos, nu meste kontinua ta djobe kes algen ki ‘merese’. (Mt 10:11) Óras ki nu ta sta na pregason, nu ta sta sienti na tudu oportunidadi di pâpia ku kes algen ki nu nkontra ku el? (At 17:17) Lídia bira un disiplu pamodi txeu sforsu ki apóstlu Polu ta fazeba na pregason. — At 16:13-15.
‘Símia bu simenti di palmanhan i ka bu diskansa bu mô ti noti’. (Ec 11:6)
ODJA VÍDIU KONTINUA TA PREGA ‘SEN PARA’ — NA DA TISTIMUNHU INFORMAL I NA PREGASON DI KAZA EN KAZA I DIPÔS RESPONDE KES PERGUNTA LI:
Modi ki Samuel mostra na se dia-dia ma el staba ta djobe maneras di planta simentis di verdadi?
Pamodi ki nu debe kontinua ta partisipa na tudu manera di prega?
Ku kenha ki bu pode pâpia di notísias sábi na bu dia-dia?
TA INXINA
Na pregason nu ta dexa pesoas ku nos publikasons. Má pa faze disiplu nu meste faze más di ki sô kel-li. Pa djuda-s bira disiplus, nu meste faze revizita i studus di Bíblia. (1Co 3:6-9) I si tudu sforsu ki nu faze pa inxina verdadis di Reinu pa un algen da poku rezultadu? (Mt 13:19-22) Nu debe kontinua ta djobe kes ki ses korason é sima un ‘bon txon’. — Mt 13:23; At 13:48.
‘Ami N planta, Apolu rega, má é Deus ki faze-l kria’. (1Co 3:6)
ODJA VÍDIU KONTINUA TA PREGA ‘SEN PARA’ — NA DA TISTIMUNHU PA PÚBLIKU I NA FAZE DISIPLUS I DIPÔS RESPONDE KES PERGUNTA LI:
Modi ki Simon ku Maria rega simentis di verdadi na korason di Ezekiel i Abigail?
Kal ki debe ser nos obijetivu na tudu fórma di pregason i tanbê na tistimunhu pa públiku?
Kuzê más ki nu pode faze pa inxina verdadis pa otus algen?