Sigi pasus di Kristu di manera fiel

Jizus dexa un izénplu pa nu imita-l, inda más óras ki nu sta pasa pa tribulason ô pirsigison. (1Pe 2:21-23) Mésmu kantu el ta pasaba pa sufrimentu i es maltrata-l, Jizus nunka ka tenta vinga. (Mr 15:29-32) Kuzê ki djuda Jizus ka dizisti? El staba disididu na faze vontadi di Jeová. (Jo 6:38) Jizus tanbê konsentra na ‘alegria ki el mostradu’. — He 12:2.

Modi ki nu ta reaji óras ki nu maltratadu pamodi nos fé? Kristons verdaderu ka ta ‘paga ningen mal ku mal’. (Ro 12:14, 17) Óras ki nu ta pasa pa sufrimentu nu ta fika kontenti di sabe ma nu ten aprovason di Deus. — Mt 5:10-12; 1Pe 4:12-14.

ODJA VÍDIU NÓMI DI JEOVÁ É MÁS INPORTANTI I DIPÔS RESPONDE KES PERGUNTA LI:

• Modi ki irman Gertrud Pötzinger a uza dretu se ténpu kantu el staba na un séla el sô, na kadia?

• Ki sufrimentu kazal Pötzinger pasa pa el kantu es staba na alguns kanpu di konsentrason?

• Kuzê ki djuda-s ka dizisti?