Midjora bu manera di prega — Uza site JW.ORG

PAMODI KI É INPORTANTI: Tudu publikason ki ta faze párti di nos feraméntas prinsipal pa inxina ten algun kuza sobri site jw.org. Má obijetivu prinsipal di nos karton di kontatu i di folhetu Undi nu ta atxa respósta pa perguntas más inportanti di vida? é leba pesoas pa nos site. Bu pode uza site jw.org pa manda un di kes publikason ki ta faze párti di nos feraméntas prinsipal pa inxina pa e-mail ô manda link. Faze si ta djuda-nu txeu óras ki nu ta da tistimunhu pa un algen ki ta pâpia otu língua. Tanbê, pesoas pode faze perguntas ki respósta sta na publikasons ki ka ta faze párti di nos feraméntas prinsipal pa inxina. Si nu konsigi uza nos site dretu, nu ta midjora nos manera di prega.

MODI KI TA FAZEDU:

• 

  Uza párti “ENSINUS DI BÍBLIA”. Imajina ma bu sta da tistimunhu pa un algen ki ten fidju i ki krê más informason sobri kria fidjus. Bai na ENSINUS DI BÍBLIA > KAZAMENTU I FAMÍLIA.

• Uza párti “PUBLIKASONS”. Imajina ma bu sta da tistimunhu informal na skóla i bu krê mostra bu koléga bruxura Respóstas pa 10 pergunta ki jóvens ta faze. Bai na PUBLIKASONS > LIVRUS I BRUXURAS.

• Uza párti “NOS ORGANIZASON”. Imajina ma bu sta da tistimunhu pa un koléga di trabadju ki krê lé un splikason kurtu sobri kuzê ki nu ta kridita na el. Bai na NOS ORGANIZASON > PERGUNTAS KI MÁS TA FAZEDU.

ODJA VÍDIU UZA SITE JW.ORG, I DIPÔS ANALIZA NA UNDI KI BU PODE BAI NA SITE PA DJUDA:

• un algen ki ta fla ma Deus ka ten

• un algen ki ka dura li pasa pa un sufrimentu gravi

• un irmon ô irman ki sta inativu

• un algen na un revizita ki krê sabe modi ki nu ta sustenta nos trabadju di pregason

• un algen di otu país ki krê sisti runion na se téra