Pasa ténpu ku kes algen ki ta ama Jeová

Pamodi ki nu debe pasa ténpu ku kes algen ki ta ama Jeová? Pamodi kes algen ki nu ta pasa ténpu ku es, pode pô-nu ta faze kuzas dretu ô mariadu. (Pr 13:20) Pur izénplu, Rei Jioás ‘faze kel ki Jeová ta atxaba ma éra dretu’, timenti el staba ta pasa ténpu djuntu ku Jioiada, ki éra Saserdóti prinsipal. (2Cr 24:2) Dipôs ki Jioiada móre, Jioás bandona Jeová pamodi maus koléga. — 2Cr 24:17-19.

Na primeru séklu D.J., apóstlu Polu konpara kongregason ku ‘un kaza grandi’ i kes irmon na kongregason ku ‘kuzas’ ki ta uzadu déntu di un kaza. Pa nu kontinua ta ser ‘un feraménta pa uza ku ónra’, nu ten ki ivita amizadi ku kalker algen, ti mésmu algen di nos família ô na kongregason ki ta faze kuzas ki Jeová ka gosta. (2Ti 2:20, 21) Pur isu, nu kontinua ta faze amizadi ku kes algen ki ta ama Jeová i ki ta djuda-nu sirbi-l.

ODJA VÍDIU MODI KI NU PODE IVITA MAUS KOLÉGA. DIPÔS RESPONDE KES PERGUNTA LI:

• Modi ki nu pode pasa ténpu ku maus koléga sen nu da kónta?

• Sima vídiu ta mostra, kuzê ki djuda kes dôs irmon i kel irman para di pasa ténpu ku maus koléga?

• Ki testus di Bíblia pode djuda-u skodje dretu kenha ki bu ta pasa ténpu ku el?