‘Kontinua ta pensa na kes kuza li’

Ki kuzas? Filipenses 4:8 ta fla pa nu pensa na kuzas ki é verdadi, inportanti, justu, puru, ki debe amadu, ki ta papiadu ben di el, ki é bon i ki merese lovor. É klaru ki kel-li ka krê fla ma nu ten ki fika tudu óra ta pensa na asuntus di Bíblia. Má, envês di pensa na kes kuza ki ta frakise nos disizon di ser lial, nu debe pensa na kes kuza ki ta poi Jeová kontenti. — Sal 19:14.

Pode ser difísil ivita pensamentus mariadu. Nu ten ki luta ka sô kóntra nos própi inperfeson, má tanbê kóntra Satanás ki é ‘deus di kel mundu li’. (2Co 4:4) Dja ki é el ki ta kontrola meius di kumunikason di mundu, maioria di kes prugrama di tilivizon, rádiu, internet ô kes kuza ki nu ta lé na jornal, revistas i livrus sta tudu kontaminadu. Pur isu, nu debe skodje dretu kuzê ki nu ta intxi nos menti ku el, pamodi kel ki nu ta poi na nos menti ta afeta nos manera di pensa i nos manera di aji. — Tg 1:14, 15.

ODJA VÍDIU IVITA KUZAS KI TA STRAGA NOS LIALDADI – DIVIRTI KU KUZAS MARIADU. DIPÔS RESPONDE KES PERGUNTA LI:

• 

  Kuzê ki kel irmon staba ta odja na se telemóvel? I modi ki kel-la afeta-l?

• 

  Modi ki Gálatas 6:7, 8 i Salmo 119:37 djuda-l?