Bu ta da txeu valor pa Palavra di Deus?

Na Bíblia nu ta atxa pensamentus i palavras di Jeová Deus ki é Autor di es livru sagradu. (2Pe 1:20, 21) El ta dexa klaru ma Deus ta ben uza se Reinu, pa mostra ma é el ki ten direitu di governa. Bíblia ta da-nu speransa ma vida ta ben ser más midjór na futuru. Tanbê el ta pâpia sobri amor ki Jeová, nos Pai na Séu ta mostra. — Sal 86:15.

Kada un di nos ten un bon motivu ki ta pô-nu da valor pa Palavra di Jeová. Má modi ki nu ta mostra ma nu ta da valor pa es grandi prezenti? Óras ki nu ta le-l tudu dia i faze sima nu prende. Nu krê mostra na kuzas ki nu ta faze ma nu ta xinti mésmu kuza ki skritor di salmo, ki fla: ‘Fórti N ta ama bu lei!’ — Sal 119:97.

ODJA VÍDIU ES TA DABA BÍBLIA TXEU VALOR — SÔ UN PÁRTI (WILLIAM TYNDALE ). DIPÔS RESPONDE KES PERGUNTA LI:

• 

  Pamodi ki William Tyndale traduzi un párti di Bíblia?

• Pamodi ki nu ta fika dimiradu ku sforsu ki el faze pa traduzi Bíblia?

• Modi ki kópias di Bíblia di Tyndale lebadu sukundidu pa Inglatéra?

• Modi ki kada un di nos pode mostra ma nu ta da valor pa Palavra di Deus?