Midjora bu manera di prega — Da kes algen ségu tistimunhu

PAMODI KI É INPORTANTI: Txeu di kes algen ségu ka ta xinti avontádi pa pâpia ku algen ki es ka konxe. Pur isu, nu ten ki sabe modi ki nu ta da-s tistimunhu. Jeová ta preokupa i ta ama kes algen ségu. (Le 19:14) Nu pode imita se izénplu óras ki nu ta djuda-s bira amigu di Jeová.

MODI KI TA FAZEDU:

• ‘Djobe’ kes algen ségu. (Mt 10:11) Bu konxe algun algen ki ten família ki é ségu? Na bu tiritóriu ten skólas ô otus organizason ki ta gostaba di resebe publikasons pa ségus?

• Mostra interesi. Óras ki bu ta mostra bu amizadi i ma bu ta interesa pa es, kel-la ta djuda un algen ségu xinti más avontádi. Tenta kumesa ta pâpia di un asuntu ki ta interesa pesoas di kel lugar.

• Djuda kes algen ségu ten publikasons ki ta djuda-s bira amigu di Jeová. Pa djuda kes algen ki é ségu, nos organizason ten publikasons na formatus diferenti. Pergunta kel algen ségu modi ki el ta krê studa. Enkaregadu pa pregason debe konfirma ma pididu kel publikason ki kel algen ségu krê.