Uza ilustrasons

Sénpri ki nu ta faze revizitas ô studus di Bíblia, nu meste djuda pesoas ntende kes pontu inportanti di Bíblia. Si nu uza ilustrasons pa splika kes pontu, nu ta konsigi toka korason di kes algen i ta ser más fásil pa es lenbra di kuzê ki es prende.

Óras ki bu ta ba pripara pa un revizita ô un studu, pripara ilustrasons pa splika alguns pontu prinsipal envês di kuzas ménus inportanti. Uza ilustrasons sinplis ku kuzas ki pesoas konxe. (Mt 5:14-16; Mr 2:21; Lu 14:7-11) Faze ilustrasons ki ten aver ku kel algen ki bu sta pâpia ku el i ku se dia-dia. (Lu 5:2-11; Jo 4:7-15) Óras ki bu odja alegria di un algen pamodi el sta ta prende verdadis di Bíblia, abo tanbê bu ta fika kontenti.

ODJA VÍDIU XINTI ALEGRIA NA TRABADJU DI FAZE DISIPLUS — MIDJORA BU MANERA DI INXINA — UZA ILUSTRASONS. DIPÔS RESPONDE KES PERGUNTA LI:

• 

  Pamodi ki nu debe djuda nos studantis ntende un testu di Bíblia?

• 

  Ki ilustrason Nádia uza pa splika testu di Romanos 5:12 ?

• 

  Modi ki un bon ilustrason pode mexe ku un algen?

• Na pregason, pamodi ki é bon nu uza vídius i otus feraménta di nos organizason pa inxina?