Uza bruxura i livru Vive filís pa tudu ténpu! na pregason

Nu sta txeu kontenti di resebe un novu bruxura i un novu livru pa nu faze studus di Bíblia! Nu sta ora pa Jeová abênsua nos sforsu di faze más disiplus. (Mt 28:18-20; 1Co 3:6-9) Má modi ki nu pode uza kes novu feraménta li?

Manera ki nu ta ben studa livru i bruxura Vive filís pa tudu ténpu!, é diferenti di kel ki nu sta kustumadu. Pur isu, dibaxu bu ta atxa alguns kuza ki bu pode faze pa djuda-u pripara i faze studus di Bíblia.a

• Lé kel matéria i uza kes pergunta pa bu pâpia sobri kel asuntu ku bu studanti

• Lé kes testu di Bíblia ki sta skrebedu “Lé” i djuda bu studanti ntende kuzê ki kes testu ten aver ku kel asuntu

• Mostra vídius i uza kes pergunta pa pâpia sobri kes vídiu

• Na kada studu tenta studa un lison interu

Na pregason, primeru oferese bruxura asi pa bu odja si kel algen tene interesi. (Odja kuadru “Modi ki bu pode oferese bruxura Vive filís pa tudu ténpu! na tistimunhu.”) Si nhos tirmina di studa bruxura interu i studanti krê kontinua, nton bu pode dexa-l ku livru i kontinua ta faze-l studu na lison 04. Si bu sta ta studa ku un algen na livru Kuzê ki nu pode prende na Bíblia? ô Kontinua ta ama Deus, bu pode pasa-l pa livru Vive filís pa tudu ténpu! i skodje na undi ki nhos pode kumesa.

ODJA VÍDIU MODI KI É UN STUDU DI BÍBLIA. DIPÔS RESPONDE KES PERGUNTA LI:

• Kuzê ki studantis ta ba prende ku kel novu livru?

• Pamodi ki é inportanti nu mostra kel vídiu li pa kes novu studanti?

• Ki métas bu debe djuda bu studanti ten i alkansa? — Odja kuadru “Rezumu di kada párti di livru.”