Tudu provason ta kaba un dia

Provasons pode dizanima-nu faxi, inda más si es dura pa txeu ténpu. Davidi staba ta pasa pa provason pamodi kuzas ki Rei Saul staba ta faze. Má Davidi sabia ma kel provason ta kababa i ma el ta biraba rei sima Jeová dja prometeba. (1Sa 16:13) Fé di Davidi djuda-l kontinua ku paxénxa i ta spéra na Jeová.

Óras ki nu sta pasa pa un provason, nu pode uza sabedoria, konhisimentu ki nu ten, ô nos kapasidadi di rasusina pa muda nos situason. (1Sa 21:12-14; Pr 1:4) Má, alguns difikuldadi pode kontinua sikrê nu faze tudu kel ki nu pode di akordu ku prinsípius di Bíblia. Na kes situason li, nu meste ten paxénxa i spéra na Jeová. Ka ta dura, el ta ben kaba ku tudu nos sufrimentu i el ta ben linpa ‘tudu lágua’ di nos odju. (Ap 21:4) Ka ta nporta si nu fika livri di nos prublémas pamodi Jeová faze algun kuza pa djuda-nu ô pamodi otu motivu, un kuza é sértu: Tudu provason ta kaba un dia. Sabe kel-li pode da-nu kel forsa ki nu meste.

ODJA VÍDIU UN POVU UNIDU NA UN MUNDU DIVIDIDU. DIPÔS RESPONDE KES PERGUNTA LI:

• Ki dizafius alguns irmon pasa pa el na Mérka di Sul?

• Modi ki es mostra amor ku paxénxa?

• Modi ki es kontinua ta konsentra na ‘kuzê ki é más inportanti’? — Fil 1:10