VIVE SIMA UN KRISTON
Bu ta pensa sima Jeová?
Nu krê agrada Jeová na tudu kel ki nu ta faze. (Pr 27:11) Pa faze kel-li nu meste toma disizons ki ta mostra ma nu ta pensa sima el, sikrê ka ten un lei klaru ki ta orienta-nu. Kuzê ki pode djuda-nu faze kel-li?
Studa Bíblia tudu dia. Tudu bês ki nu ta lé Bíblia, é sima ki nu sta pasa ténpu ku Jeová. Nu pode prende sobri modi ki Jeová ta pensa óras ki nu ta odja modi ki el trata se povu na pasadu i tanbê óras ki nu ta studa izénplu di kes ki faze kuzas ki Jeová ta atxa ma é dretu ô mariadu. Óras ki nu ta meste toma un disizon, spritu santu ta djuda-nu lenbra di kes lison inportanti i prinsípius ki nu prende duránti nos studu di Bíblia. — Jo 14:26.
Faze piskiza. Óras ki bu ten ki toma un disizon, pergunta bu kabésa: ‘Ki versíklus ô stórias di Bíblia pode djuda-m ntende modi ki Jeová ta xinti sobri kel asuntu li?’ Pidi Jeová ajuda na orason i uza kes feraménta di piskiza ki sta disponível na bu língua pa djuda-u atxa prinsípius di Bíblia ki pode djuda-u toma un bon disizon. — Sal 25:4.
ODJA VÍDIU NU MESTE ʻKÓRE SEN DIZISTIʼ — KUME KUMIDA KI TA DA FORSA. DIPÔS RESPONDE KES PERGUNTA LI:
Ki preson kel irman na vídiu pasa pa el?
Modi ki nu pode uza feraméntas pa faze piskiza pa djuda-nu lida ku preson sima kes-li?
Modi ki nu pode ten bons rezultadu óras ki nu ta tra ténpu pa piskiza i faze studu pesoal pa djuda-nu toma bons disizon? — He 5:13, 14