Poi métas pa kes simana antis i dipôs di Komemorason

Tudu anu Tistimunhas di Jeová ta tene gana pa Komemorason di mórti di Jizus txiga. Na kes simana antis i dipôs di Komemorason, nu ta pruveta kel oportunidadi spesial li pa nu lova i pa nu agradese Jeová pa kel prezenti di resgati. (Ef 1:3, 7) Pur izénplu, nu ta sforsa txeu pa nu konvida otus algen pa sisti Komemorason. Alguns ta organiza pa sirbi di pioneru ajudanti pa faze 30 ô 50 óra duránti mês di marsu i abril. Kel anu li bu ta gostaba di faze más na pregason duránti ténpu di Komemorason? Kuzê ki pode djuda-u ten bons rezultadu?

Si nu faze planu, nu ta konsigi faze más. (Pr 21:5) Dja ki Komemorason sta más pértu, gósi é ténpu pa bu kumesa ta faze planu. Pensa modi ki bu pode faze más na pregason duránti Komemorason di es anu, i djobe kuzê ki bu pode faze pa bu alkansa bus méta. Dipôs pidi Jeová pa abênsua bus sforsu. — 1Jo 5:14, 15.

Bu ta konsigi pensa na algun manera ki bu pode faze más na pregason duránti ténpu di Komemorason?