Uza primeru pájina di JW.ORG na pregason

Na primeru pájina di jw.org ta podu artigus i vídius ki fazedu pa txoma atenson di pesoas sinseru ki ka é Tistimunha di Jeová. (At 13:48) Normalmenti, el ta mostra asuntus ki sta na notísias ô ki pesoas sta preokupadu ku el.

Modi ki bu pode uza primeru pájina di jw.org na pregason?

• Entra na jw.org sénpri. Djobe kes artigu, publikasons ô vídius distakadu i pensa na modi ki bu pode uza-s pa djuda un algen ki mostra interesi. (Pa bu atxa otus informason ki sai ka dura li na primeru pájina, klika na “Odja más”.) Si bu sta sénpri atualizadu ku kes informason ki ta sta na jw.org, kel-li pode djuda-u ten novus ideia pa bu uza na pregason.

• Uza artigus i vídius ki sta distakadu na primeru pájina pa bu pâpia ku pesoas. Kes asuntu li, pode da-nu ideias sobri kuzê ki talvês ta preokupa pesoas na nos tiritóriu.

• Mostra pesoas nos primeru pájina. Mostra pesoas alguns asuntu i djuda-s odja modi ki es pode atxa alguns informason na jw.org.

• Manda un link. Alguns algen ka gosta di pâpia ku nos róstu ku róstu, má es gosta di vizita nos pájina na jw.org. Pur isu, ka bu dexa di manda kes algen ki sta interesadu un link di nos primeru pájina, algun artigu ô vídiu ki sta distakadu.