Ajuda pa studa

Kuzê ki bu debe studa primeru?

Nos tudu nu ten poku ténpu pa faze studu pesoal. Modi ki nu pode uza kel poku ténpu li di midjór manera? Primeru, ka bu studa na présa. Na verdadi, bu ta ten midjór rezultadu si bu studa poku kuza dretu di ki studa txeu kuza ku présa.

Dipôs, disidi kuzê ki bu ta studa primeru. (Efé. 5:15, 16) Odja alguns sujiston:

• Lé Bíblia tudu dia. (Sal. 1:2) Bu pode kumesa ta lé kes kapítlu ki nu ta studa na runion di meiu di simana.

• Pripara pa Studu di Sentinéla i pa runion di meiu di simana. Tenta pripara dretu pa da un komentáriu. — Sal. 22:22.

• Si bu ten más ténpu, tenta lé kes revista pa públiku, odja kes vídiu i kes artigu ki ta podu na jw.org.

• Faze un prujétu di studu. Bu pode faze piskiza sobri un prubléma ki bu sta pasa pa el, un pergunta ki bu tene ô kalker asuntu di Bíblia ki bu ta krê intende midjór. Pa odja más sujiston, odja párti “Izersísius pa djuda na studa Bíblia” na jw.org.