BÍBLIA TA MUDA VIDA DI ALGEN

Es atxa un ‘jóia di txeu valor’

Jizus inxina ma Reinu di Deus ta ben rezolve tudu nos prublémas. (Mateus 6:10) Na Mateus 13:44-46, Jizus pâpia di dôs ilustrason pa mostra valor di Reinu di Deus. Kes dôs ilustrason é kes-li:

Dizenhus: Kes dôs ómi di ilustrason di Jizus. 1. Un ómi ta koba na un kanpu i el sta parse spantadu ku kuzê ki el atxa. 2. Kel otu ómi ta pega un jóia i el sta ri.

Un ómi staba ta trabadja na un kanpu i dirapenti el atxa un tizoru sukundidu.
Un komersianti ki staba ta viaja ta djobe jóias, atxa un jóia di txeu valor.

Es tudu dôs bende tudu kuza ki es tinha pa es pode kunpraba kel tizoru ki es atxa. Kes ómi li ta reprizenta kes algen ki ta da verdadi sobri Reinu tantu valor, ki es ta faze txeu sakrifisiu pa ten se bensons. (Lucas 18:29, 30) Na kel vídiu li, odja stória di dôs algen ki é sima kes ómi na kes ilustrason di Jizus.