Géra — Kuzê ki Reinu di Deus ta ben faze

Na mundu interu, géra ta kontinua ta traze txeu dór i sufrimentu. Odja kuzê ki alguns rilatóriu ta fla:

• “Na kel últimu anu ki pasa, móre más algen pamodi géra, prinsipalmenti na Itiópia i Ukránia, di ki kalker otu anu désdi 1994.” — Institutu di Piskiza sobri Pas di Oslo, 7 di junhu di 2023.

• “Géra na Ukránia é sô un di kes géra ki kontise na 2022 i ki fika más piór. Na mundu interu, violénsia pamodi pulítika omenta 27 pursentu na kel últimu anu ki pasa, i uns 1,7 bilhon di algen fika afetadu.” — Prujétu pa lokaliza Géras i Informasons sobri kuzas ki kontise (ACLED, sigla na inglês), 8 di febreru di 2023.

Má Bíblia ta da-nu speransa. El ta fla ma “Deus di séu ta ben traze un reinu ki ka ta kaba nunka más.” (Daniel 2:44) Dibaxu di es Reinu, ô govérnu, Deus ta ben “kaba ku géra na téra interu.” — Salmo 46:9.