Kenha ki bu pode kunfia na el? — Kuzê ki Bíblia ta fla?

Pesoas ta fika diziludidu óras ki kes algen ki devia sérba di kunfiansa ka ta mostra ma es é di kunfiansa. Txeu algen dja para di kunfia na. . .

• xéfis di pulítika ki ta poi ses interesi na frenti di kes kuza ki pesoas meste.

• meius di kumunikason ki ka ta da notísias di manera justu i izatu.

• sientistas ki ka ta faze kel ki é midjór pa pesoas.

• xéfis di relijion ki sta txeu involvidu na pulítika envês di reprizenta Deus.

Pesoas sta ta faze dretu di toma kuidadu ku na kenha ki es ta kunfia. Bíblia ta fla:

• ‘Ka nhos kunfia na prínsipis [governantis] nen na fidjus di ómi ki ka ta pode traze salvason.’ — Sal. 146:3.

Algen ki bu pode kunfia na el

Bíblia ta pâpia di un algen ki bu pode kunfia na el ki é Jizus Kristu. El ka foi sô un bon ómi ki vive dja ten txeu anu. Deus skodje Jizus pa “ser Rei. . . , i se Reinu ka ta kaba.” (Luk. 1:32, 33) Jizus é Rei di Reinu di Deus, un govérnu ki dja sta ta governa na séu. — Mateus 6:10.

• Pa bu prende pamodi ki bu pode kunfia na Jizus, lé kes artigu li “Ken ki é Rei di Reinu di Deus?” i “Kuzê ki Reinu di Deus ta ben faze?”