Salmu
Pa diretor di múzika. Un múzika di Davidi.
2 El tra-m di un posu ki agu ta faze txeu barudju,
Di déntu di lama.
El poi nha pé riba di un rótxa.
El poi nha pasu ta fika firmi.
3 Nton, el inxina-m un kántiku novu,
Un kántiku di lovor pa nos Deus.
Txeu algen ta ben odja kuzê ki Deus faze i es ta fika dimiradu
I es ta poi ses kunfiansa na Jeová.
4 Filís é kes algen ki ta kunfia na Jeová
I es ka ta djobe ajuda na kes algen rebéldi ô falsu.*
Ka ten ningen ki ta konpara ku bo.
Si N tenta konta tudu kes kuza bunitu ki bu faze i pâpia di es,
Es ta sérba txeu dimás pa N konta.
6 Bu ka dizeja* sakrifisiu nen oférta,
Má bu abri nhas obidu pa N obi.
Bu ka pidi ofértas kemadu nen ofértas pa pekadu.
7 Dipôs N fla: “Odja! Dja N ben.
Na rolu* sta skrebedu sobri mi.
8 Ó nha Deus, N gosta di* faze bu vontadi,
I bu lei sta déntu di nha korason.
9 N ta pâpia di notísia sábi di justisa na kongregason grandi.
Ó Jeová, sima bu sabe dretu
N ka ta kala.
10 N ka ta sukundi bu justisa na nha korason.
N ta pâpia di bu lialdadi i di bu salvason.
N ka ta sukundi bu amor lial i bu verdadi na kongregason grandi.”
11 Ó Jeová, ka bu nega-m bu mizerikórdia.
Proteje-m sénpri pamodi bu amor lial i bu verdadi.
12 Kes disgrasa ki sta na nha vólta é txeu dimás pa N konta.
Nhas éru é txeu ti ki dja es toma kónta di mi i N ka sta konsigi odja nha kaminhu.
Es é más txeu di ki kabelu di nha kabésa,
I N sta dizanimadu.
13 Ó Jeová, favor, salva-m.
Ó Jeová, ben faxi i djuda-m.
14 Pa tudu kes ki krê mata-m,*
Fika na vergónha i umilhadu.
Pa kes ki ta fika kontenti ku nha disgrasa
Fuji umilhadu.
15 Pa kes ki ta faze trósa di mi i ta fla: “Ben fetu!”
Pa es fika spantadu i ku medu pamodi ses própi vergónha.
16 Má pa kes ki sta djobe bu orientason,
Grita di alegria i fika kontenti pamodi es konxe-u.
Pa kes ki ta fika dimiradu ku manera ki bu ta da salvason, fla sénpri:
“Pa Jeová dadu glória.”
17 Má N sta dizanparadu i póbri.
Favor Jeová, presta atenson na mi.
Bo é kel ki ta djuda-m i ki ta salva-m.
Nha Deus, ka bu dimora.