Salmu
Pa diretor di múzika. Un múzika di kes fidju di Korá.
47 Pa tudu povu da palmu,
Nhos lova Deus ku gritu di vitória i di alegria.
2 Pamodi Jeová, kel Más Grandi, ta poi algen ta fika dimiradu.
El é kel grandi Rei na téra interu.
3 El ta poi kes povu dibaxu di nos autoridadi,
El ta poi kes nason dibaxu di nos pé.
4 El ta skodje-nu nos eransa,
Kel ki Jakó, kel povu ki el ta ama, ten orgulhu di el. (Selá)
5 Deus subi timenti pesoas staba ta grita di alegria.
Jeová subi timenti pesoas staba ta toka buzina.*
6 Nhos kanta* pa lova Deus, nhos kanta pa lova-l.
Nhos kanta pa lova nos Rei, nhos kanta pa lova-l.
7 Pamodi Deus é Rei di téra interu.
Nhos kanta pa lova-l i nhos mostra intendimentu.
8 Deus dja bira Rei di nasons.
Deus sta xintadu na se tronu santu.
9 Kes líder di povu dja djunta
Ku povu di Deus di Abraon.
Pamodi kes governanti* di téra é di Deus.
Deus sta na kel puzison más altu ki ten.