Salmu

Nhos tudu ki ta vive na mundu,* nhos presta atenson,

 2 Tantu kes algen ki é inportanti i kes ki é ka inportanti,*

Tantu kes riku i kes póbri.

 3 Nha bóka ta ben pâpia ku sabedoria,

I kes miditason di nha korason ta ben mostra ma N ten intendimentu.

 4 N ta ben presta atenson na un provérbiu.

N ta ben splika nha kebra-kabésa óras ki N ta toka arpa.

 5 Pamodi ki N debe ten medu na ténpus di frónta,

Óras ki kes ki krê kaba ku mi ta ataka-m pa tudu banda?*

 6 Kes ki ta kunfia na ses rikéza

I ki ta ingaba di kes monti rikéza ki es ten,

 7 Ninhun di es nunka ka ta pode salva un irmon,

I nen paga Deus un resgati pa el,

 8 (Pamodi présu ki es debe paga pa resgata* ses vida* é karu dimás,

Ki nunka es ka ta pode paga pa el)

 9 Es ka ta pode resgata nen un di ses irmon pa el pode vive pa tudu ténpu i pa el ka odja sipultura.*

10 Ómi ta odja ma ti mésmu kes algen ki ten sabedoria ta móre,

Tantu tolu i kes ki ka ten juís ta móre djuntu,

I es ta dexa ses rikéza pa otus algen.

11 Na ses korason, es ta krê pa ses kaza dura pa tudu ténpu,

Pa ses ténda dura di jerason pa jerason.

12 Má sikrê el é inportanti, el ka ta kontinua bibu.

El é ka más midjór di ki animal, ki ta móre.

13 É kel-li ki ta kontise ku tudu kes algen tolu

I ku kes ki ta imita-s, i ki gosta di obi ses palavra vaziu. (Selá)

Mórti ta ben pastora-s sima un pastor ta gia ses ovelha.

Di palmanhan, kes algen justu ta ben governa-s.

Ka ta ben fika ninhun sinal di es.

Envês di es mora na palásiu es ta ben mora na Sipultura.*

15 Má, Deus ta ben resgata-m di puder* di Sipultura,

Pamodi el ta ben pega-m ku se mô pa kuida di mi. (Selá)

16 Ka bu fika ku medu óras ki un ómi ta bira riku,

I se kaza ta bira más finu,

17 Pamodi óras ki el móre, el ka ta pode leba nada.

Se rikéza ka ta bai pa sipultura djuntu ku el.

20 Un algen ki ka ta intende kel-li, sikrê el é inportanti,

El é ka más midjór di ki animal, ki ta móre.