Salmu
Un múzika di Azafe.
50 Jeová, kel Deus di tudu deus,* pâpia.
El manda txoma kes algen ki ta vive na téra
Di undi ki sol ta sai ti undi ki sol ta kanba.*
2 Deus ta brilha, sima sol na Sion, ki é un sidadi rei di bunitu.
3 Nos Deus ta ben i el ka ta fika kaladu.
Se dianti sta un lumi ki ta kaba ku tudu kuza,
I na se vólta un tenpistadi fórti.
4 El ta txoma séu ku téra pa el julga se povu,
El ta fla:
5 “Nhos djunta nha dianti, kes algen ki é lial pa mi,
Kes ki ta faze un kontratu ku mi através di sakrifisiu.”
6 Séu ta pâpia di justisa di Deus,
Pamodi própi Deus é Juís. (Selá)
7 “Ó nha povu, nhos obi, pamodi N sta ben pâpia.
Israel, N sta ben da tistimunhu kóntra bo.
Ami é Deus, bu Deus.
8 N ka sta koriji-u pamodi bus sakrifisiu,
Nen pamodi bus oférta kemadu ki ta sta sénpri nha dianti.
9 N ka meste kes toru di bu kaza,
Nen kes bódi di bus kural.
10 Pamodi tudu kes animal di florésta é di meu,
Ti mésmu kes animal ki sta riba di tudu montanha.
11 N konxe tudu kes pasu di monti.
Tudu kes animal di kanpu, ki ka ta da pa konta, é di meu.
12 Si N staba ku fómi, N ka ta flaba bo,
Pamodi téra i tudu kuza ki ten na el é di meu.
13 Pur akazu, N ta kume karni di toru
I N ta bebe sangi di bódi?
14 Oferese Deus sakrifisiu di agradesimentu,
I kunpri kes votu ki bu faze pa kel Deus Más Grandi.
15 Txoma-m na dia di frónta.
N ta salva-u i bu ta da-m glória.”
16 Má Deus ta fla pa kel algen ki é mau:
“Ki direitu ki bu ten di pâpia di nha lei
Ô di pâpia di nha kontratu?
18 Óras ki bu odja un ladron, bu ta fika kontenti ku el,*
I sénpri bu ta anda ku kes algen ki ta faze adultériu.
19 Bu ta uza bu bóka pa pâpia kes kuza ki é mau,
I bu ta kontinua ta uza bu língua pa konta mintira.
20 Bu ta xinta pa pâpia mal di bu irmon.
Bu ta pâpia di kes fadja di* fidju di bu própi mai.
21 Kantu bu faze kes kuza li, N fika kaladu,
Nton, bu pensa ma N ta sérba sima bo.
Má gósi N ta koriji-u,
I N ta aprizenta nha akuzason kóntra bo.
22 Favor, nhos pensa na kel-li, nhos ki ta skese di Deus,
Sinon, N ta dispadasa nhos i ka ta ten ningen pa salva nhos.
23 Ken ki ta oferese sakrifisiu di agradesimentu ta da-m glória,
I kel ki kontinua ta faze kel ki é dretu,
N ta ben pô-l ta odja salvason ki ta ben di Deus.”