Salmu
Pa diretor di múzika. Na ton di Malate.* Maskil.* Salmu di Davidi.
53 Kes algen tolu* ta fla na ses korason:
“Jeová ka ta izisti.”
Es é mau i es ta faze kuzas injustu i nojéntu.
Ninhun di es ka sta faze kuzas dretu.
2 Má la di séu Deus ta djobe pa baxu, pa kes fidju di ómi,
Pa el odja si ten algen ki ten sabedoria,* si algun algen sta ta djobe Jeová.
3 Tudu es dja disvia,
Tudu es é mau.
Ninhun di es ka sta faze kuzas dretu,
Nen mésmu un algen.
4 Pamodi ki ninhun di kes algen ki ta faze kuzas mariadu ka ta intende nada?
Es ta divora nha povu sima si es sta ta kume pon.
Es ka ta pidi orientason di Jeová.
5 Má medu ta ben toma kónta di es,
Es ta ben xinti medu ki nunka es ka xintiba antis,*
Pamodi Deus ta ben spadja osu di kes ki ta ataka-u.*
Bu ta ben pô-s na vergónha pamodi Jeová nega-s.
6 Pa salvason di Israel ben di Sion!
Pa Jakó fika kontenti i pa Israel grita di alegria,
Óras ki Jeová torna traze se povu ki staba prézu.