Salmu
Pa diretor di múzika. Pa toka na ton di “Ponba kaladu ki sta lonji”. Salmu di Davidi. Mikton.* Kantu kes filisteu pega Davidi na Gate.
56 Ó Deus, ten péna di mi pamodi ómi sta ta ataka-m.*
Dia interu es sta ta luta kóntra mi i ta maltrata-m.
2 Dia interu nhas inimigu sta ta pirsigi-m,
Txeu algen sta ta luta kóntra mi ku kunfiansa ma es ta ganha-m.
3 Óras ki N xinti medu, N ta poi nha kunfiansa na bo.
4 N ta lova Deus pamodi kuzê ki el promete,
N ta poi nha kunfiansa na Deus. N ka ten medu.
Kuzê ki un sinplis ómi* pode faze-m?
5 Dia interu es ta ranja-m prubléma
I es ta pensa sô na prujudika-m.
7 Nega-s pamodi ses maldadi.
Ó Deus, kastiga kes nason na bu raiba.
8 Bu konxe dretu tudu pasu ki N ta da.
Favor, djunta nhas lágua na bu bólsa di péli.*
Es ka sta skrebedu na bu livru?
9 Na dia ki N pidi-u ajuda nhas inimigu ta sai ta kóre.
N ten kunfiansa ma Deus sta di nha ladu.
10 N ta lova Deus pamodi kuzê ki el promete,
N ta lova Jeová pamodi kuzê ki el promete.
11 N ta poi nha kunfiansa na Deus. N ka ten medu.
Kuzê ki un sinplis ómi pode faze-m?
12 Ó Deus, N faze un votu pa bo i N ten ki kunpri-l.
N ta ben oferese-u palavras di agradesimentu.
13 Pamodi bu libra-m di mórti
I bu ka dexa nha pé tropesa,
Asi pa N pode kontinua bibu i anda dianti di Deus.