Salmu
Pa diretor di múzika. Pa kunpanha ku instrumentu di kórda. Salmu di Davidi.
61 Ó Deus, obi nha gritu di ajuda.
Presta atenson na nha orason.
2 N ta txoma-u la di kes párti más lonji di téra
Óras ki nha korason sta dizusperadu.*
Leba-m pa un rótxa más altu di ki mi.
3 Pamodi bo é nha proteson suguru,
Un tori fórti ki ta proteje-m di inimigu.
4 N ta ben fika na bu ténda pa tudu ténpu.
N ta ben djobe proteson dibaxu di bus aza. (Selá)
5 Pamodi abo, ó Deus, bu obi nhas votu.
Bu da-m un eransa ki é pa kes algen ki ten grandi ruspetu pa bu nómi.
6 Bu ta ben da rei un vida más kunpridu
I el ta ben vive pa txeu anu.
8 Nton, N ta ben kanta lovor* pa bu nómi pa tudu ténpu,
I tudu dia N ta kunpri nha votu.