Salmu

Nha korpu sta fraku* di tantu spera pa bo.

Na un téra séku, undi ki ka ten agu.

 2 N odja-u na bu lugar santu,

N odja bu forsa i bu glória.

 3 Bu amor lial é midjór di ki vida,

Pur isu, nha bóka ta ben lova-u.

 4 N ta ben lova-u nha vida interu.

N ta labanta nha mô i N ta uza bu nómi na orason.

 5 N sta fartu* pamodi bu ta da-m kel midjór párti, kel más inportanti,*

Pur isu, ku nha bóka N ta lova-u ku alegria.

 6 N ta lenbra di bo óras ki N sta detadu,

N ta pensa* na bo noti interu.*

 7 Pamodi bo é kel ki ta djuda-m,

I N ta grita di alegria na sónbra di bus aza.

 8 N ta pega* na bo,

Bu mô direita ta pega-m ku forsa.

 9 Má, kes ki krê kaba ku nha vida*

Ta dixi pa kes párti más fundu di téra.

10 Es ta ben matadu ku spada.

Es ta ben bira kumida pa kes katxor brabu.*

Tudu kenha ki jura pa El ta ben fika kontenti,*

Pamodi bóka di kes algen ki ta konta mintira ta ben kaladu.