Salmu
Pa diretor di múzika. Un múzika di Davidi. Kántiku.
65 Ó Deus, nu ta lova-u la di riba di monti Sion.
Nu ta ben kunpri kes votu ki nu faze-u.
2 Nha Deus, abo é kel ki ta obi orason, na bo ta txiga algen di tudu tipu.*
3 Nhas éru sta kaba ku mi,
Má bu ta kubri nos fadja.
4 Filís é kel algen ki bu ta skodje i bu ta traze pa djuntu di bo,
Pa mora na entrada di bu ténplu.
Nu ta fika fartu ku kes bons kuza di bu kaza,
Bu ténplu santu.*
5 Ó Deus di nos salvason,
Bu ta ben faze kes kuza justu pa responde nos orason i ki ta dexa algen dimiradu.
Tudu kes algen di kes párti más lonji di téra
I di kes mar más lonji ta poi ses kunfiansa na bo.
7 Bu* ta kalma kes mar brabu,
Barudju di ses óndia i ajitason di kes nason.
8 Kes algen ki ta mora na kes lugar más lonji ta ben fika xeiu di medu pamodi kes kuza grandi ki bu ta faze.*
Bu ta ben poi tudu kes algen ta grita di alegria, di undi ki sol ta sai ti undi ki sol ta kanba.
9 Bu ta kuida di téra,
I bu ta pô-l ta da kumida avontádi.*
Riu di Deus ta kóre xeiu di agu.
Bu ta da ómi serial.
É si ki bu pripara téra.
10 Bu ta modja ses kanpu i bu ta poi ses txon ki trabadjadu ta bira planu.
Bu ta poi téra ta bira móli ku txeu txuba i bu ta abênsua kes kuza ki el ta da.
11 Bu ta abênsua kada anu ku bons kuza, sima si el podu un koroa.
Bus kaminhu tene kumida txeu ti dimás.*
12 Kes lugar na dizértu tene txeu padja verdi
I kes monti pikinoti sta bistidu di alegria.
13 Kes padja verdi sta xeiu di animal
I kes vali sta bistidu di serial.
Es ta grita di alegria, sin, es ta kanta.