Salmu

67 Deus ta ben xinti péna di nos i el ta abensua-nu.

El ta ben poi se róstu ta límia riba di nos. (Selá)

 2 Asi pa bu kaminhu bira konxedu na téra interu,

I pa kuzas ki bu ta faze pa salva algen konxedu na tudu nason.

 3 Ó Deus, pa kes povu lova-u,

Pa tudu kes povu lova-u.

 4 Pa kes nason fika kontenti i grita di alegria,

Pamodi bu ta ben julga kes povu ku justisa.

 5 Ó Deus, pa kes povu lova-u,

Pa tudu kes povu lova-u.

 6 Téra ta ben da kumida.

Deus, nos Deus, ta ben abensua-nu.

 7 Deus ta ben abensua-nu,

I tudu kes algen na kes párti más lonji di téra ta ben ten grandi ruspetu pa el.*