Salmu
Pa diretor di múzika. Salmu di Davidi pa pesoas lenbra.
70 Ó Deus, salva-m.
Ó Jeová, ben faxi i djuda-m.
2 Pa kes ki krê mata-m,*
Fika na vergónha i umilhadu.
Pa kes ki ta fika kontenti ku nha disgrasa,
Fuji umilhadu.
3 Pa kes ki ta faze trósa i ta fla: “Ben fetu!”,
Fuji ku vergónha.
4 Má pa kes ki sta djobe bu orientason,
Grita di alegria i fika kontenti pamodi es konxe-u.
Pa kes ki ta fika dimiradu ku manera ki bu ta da salvason, fla sénpri:
“Pa Deus dadu glória!”
5 Má N sta dizanparadu i póbri.
Ó Deus, ben faxi i djuda-m.
Bo é kel ki ta djuda-m i ki ta salva-m.
Ó Jeová, ka bu dimora.