Salmu
Pa diretor di múzika. Pa toka na ton di múzika di jitite.* Salmu di Azafe.
81 Nhos kanta ku alegria pa Deus, ki é nos forsa.
Nhos lova Deus di Jakó ku gritu di vitória.
2 Nhos kumesa ta toka múzika i nhos panha tanbor,*
Nhos panha arpa djuntu ku instrumentus di kórda i nhos faze múzika bunitu.
3 Nhos toka buzina na lua nova i na lua xeia,
Na dia ki nu ta komemora nos fésta.
4 Pamodi é un lei pa Israel,
É un mandamentu di Deus di Jakó.
5 Deus da Juzé kel-li pa sirbi di lenbransa
Kantu El ataka téra di Ijitu.
N obi un vós* ki N ka konxe:
6 “N tra kel karga di se onbru,
Se mô fika livri di kel sestu di karga.
7 Kantu bu staba frontadu bu txoma-m i N libra-u.
N responde-u la di déntu di núven sukuru.*
N pô-u na próva pértu di kes agu di Meribá.* (Selá)
8 Obi, nha povu, i N ta da tistimunhu kóntra bo.
Ó Israel, si peloménus bu obiba ku mi!
9 Na bu meiu ka debe ten ninhun otu deus,
I bu ka debe inbaxa dianti di un deus falsu.*
10 Ami, Jeová, é bu Deus,
Kel ki tra-u di téra di Ijitu.
Abri bu bóka dretu i N ta intxi-u el di kumida.
11 Má nha povu ka obi nha vós;
Israel nega obi ku mi.
12 Pur isu, N dexa-s sigi ses korason temozu.
Es ta fazeba kel ki es ta atxaba ma éra dretu.*
13 Si peloménus nha povu obiba ku mi!
Si peloménus Israel andaba na nha kaminhu!
14 Nton, N ta umilhaba ses inimigu faxi.
N ta venseba tudu ses inimigu.
15 Kes ki ta ôdia Jeová ta ben treme di medu se dianti,
I ses fin* ta ben ser pa tudu ténpu.