Salmu

92 Ó Jeová, é bon agradese-u.

Ó kel Deus Más Grandi, é bon kanta* pa lova bu nómi.

 2 É bon pâpia di bu amor lial di palmanhan

I di noti, di bu lialdadi.

 3 N ta lova-u na son di instrumentu di 10 kórda,

Djuntu ku un melodia sábi di arpa.

 4 Ó Jeová, bu pô-m ta fika kontenti ku kuzas ki bu faze.

N ta grita di alegria pamodi trabadju di bu mô.

 6 Algen ki ka ta pensa ka ta pode konxe-s,

I ninhun tolu ka ta pode intende kel-li:

 7 Óras ki algen mau bira txeu sima padja

I tudu kuza sta kóre dretu ku kes ki ta faze maldadi,

Es ta ser distruídu pa tudu ténpu.

 9 Ó Jeová, odja bus inimigu,

Odja modi ki bus inimigu ta ben kabadu ku el.

Bu ta ben spadja tudu kes algen ki ta faze kuzas mariadu.

10 Má bu ta ben pô-m ta bira fórti* sima un toru brabu.

N ta ben poi óliu na nha péli pa N refreska.

11 Nhas odju ta ben odja nhas inimigu ta vensedu.

Nhas obidu ta ben obi ta fladu ma kes algen mau ki ta ataka-m dja kai.

12 Má kes algen justu ta ben bira txeu sima palmera

I es ta ben kria sima sédru di Líbanu.

13 Es é sima arvi plantadu na kaza di Jeová.

Es ta bira txeu na kes pátiu di nos Deus.

14 Sikrê na bedjisa,* es ta ben da txeu fruta.

Es ta ben kontinua fórti* i xeiu di vida,

15 I es ta kontinua ta fla ma Jeová é rétu.