Salmu
95 Nhos ben, nu grita di alegria pa Jeová!
Nu da un gritu di vitória pa Rótxa di nos salvason.
2 Nu bai fika se dianti* pa nu agradese-l.
Nu kanta un kántiku di vitória pa el.
3 Pamodi Jeová é un Deus grandi,
Un grandi Rei riba tudu kes otu deus.
4 Kes párti más fundu di téra sta na se mô,
Kes párti más altu di montanha é di sel.
5 Mar é di sel pamodi é el ki faze-l
I se mô faze téra séku.
6 Nhos ben, nu adora Deus i nu inbaxa se dianti.
Nu fika di juelhu dianti di Jeová, kel ki faze-nu.
7 Pamodi el é nos Deus
I nos é se povu ki el ta pastora,
El ta kuida di nos sima ovelha.
Oji, si nhos obi se vós,
8 Ka nhos bira nhos korason duru sima na Meribá,*
Sima kel dia na Masá,* na dizértu,
9 Kantu nhos gentis grandi pô-m na próva.
Es dizafia-m, enbóra dja es odjaba nhas óbra.
10 Duránti 40 anu N xinti disgostadu ku es jerason i N fla:
“Es é un povu ki sénpri ta sigi dizeju di ses korason.
Es ka txiga di konxe nhas kaminhu.”
11 Pur isu, N jura na nha raiba:
“Es ka ta ben entra na nha diskansu.”