Salmu
96 Nhos kanta un kántiku novu pa Jeová.
Pa téra interu kanta pa Jeová!
2 Nhos kanta pa Jeová, nhos lova se nómi.
Tudu dia nhos pâpia di kes notísia sábi di se salvason.
3 Nhos pâpia di se glória na meiu di tudu nason,
I di kes kuza grandi ki el faze na meiu di tudu povu.
4 Jeová é grandi i el merese tudu lovor.
El merese ser ruspetadu más di ki tudu kes otu deus.
5 Tudu deus di kes otu povu ka ta sirbi pa nada,
Má Jeová é kel ki faze séu.
6 El sta rodiadu di glória* i beléza.
Na se santuáriu ten forsa i bunitéza.
7 Pa tudu família di téra da Jeová kel ki el merese,
Nhos da Jeová kel ki el merese pamodi se glória i se forsa.
8 Nhos da Jeová kel glória ki se nómi merese,
Nhos traze un prezenti i nhos entra na ses pátiu.
10 I pa kes algen di nasons fla: “Jeová dja bira Rei!
Téra* sta ben finkadu, nada ka ta pode tra-l di se lugar.*
El ta ben julga* kes povu ku justisa.”
11 Pa séu fika kontenti i pa téra fika kontenti tanbê.
Pa mar i tudu kuza ki ten na el grita di alegria.
12 Pa kes kanpu i tudu kuza ki ten na es grita di alegria.
Omésmu ténpu, pa tudu kes arvi grandi di florésta grita di alegria
13 Dianti di Jeová, pamodi el sta ben,*
El sta ben julga téra.
El ta ben julga téra interu ku justisa
I el ta ben julga tudu povu di manera fiel.