Salmu
Salmu di Davidi. Kántiku.
101 Ó Jeová, N ta ben kanta pa N lova-u.*
N ta ben kanta sobri bu amor lial i bu justisa.
2 N sta disididu na aji ku kuidadu i ser lial.*
Ki ténpu ki bu ta ben djuda-m?
Ti mésmu déntu di nha kaza, N ka ta ben faze nada mariadu.*
3 N ka ta ben poi nada sen valor* dianti di nhas odju.
N ta ôdia kes kuza ki kes algen ki ta disvia di kel ki é dretu ta faze.
N ka krê ten nada aver ku es.*
4 N ka ten tratu ku algen ki ten maldadi na se korason.
N ka ta ben seta* nada ki é mau.
5 Kes algen ki ta kalúnia ses kunpanheru sukundidu
N ta ben kala-s bóka.*
N ka ta ben tolera ningen
Ki é orgulhozu i aroganti.
6 N ta ben da valor pa kes algen na téra ki é fiel pa bo,
Es ta ben mora djuntu ku mi.
Kes algen lial ta ben sirbi-m.
7 Ningen ki é dizonéstu ka ta ben vive na nha kaza,
I ninhun mintirozu ka ta ben fika nha dianti.*
8 Tudu palmanhan, N ta ben kala bóka di* tudu kes algen mau ki sta na téra.
N ta ben kaba ku tudu kes algen ki ta faze kuzas mariadu na sidadi di Jeová.