Salmu
112 Nhos lova Jeová!*
א [alefe]
Filís é kel algen ki ten grandi ruspetu pa Jeová,
ב [bete]
Ki gosta txeu di ses mandamentu.
ג [gimel]
2 Ses disendenti ta ben ser poderozu na téra,
ד [dalete]
I jerason di kes algen rétu ta ben abensuadu.
ה [hê]
3 Na se kaza ten rikéza i txeu kuza di valor,
ו [vau]
I se justisa ta dura pa tudu ténpu.
ז [zaine]
4 Pa kes algen ki é rétu, el ta brilha sima lus na sukuru.
ח [ete]
El ten konpaxon, mizerikórdia i el é justu.
ט [tete]
5 Filís é kel algen ki gosta di inprista ken ki meste.
י [iode]
El ta kuida di ses asuntu di un manera justu.
כ [kafe]
6 Nunka el ka ta ben kai.
ל [lamede]
Algen justu ta ben lenbradu di el pa tudu ténpu.
מ [meme]
7 El ka ta ben xinti medu di mau notísia.
נ [nune]
Se korason sta trankuilu, pamodi el ta kunfia na Jeová.
ס [sameke]
פ [pê]
9 El ta da kes kuza ki el ten avontádi. El ta da-s pa kes algen póbri.
צ [tsade]
Se justisa ta kontinua pa tudu ténpu.
ק [kofe]
El ta ben bira poderozu i tudu algen ta ben ruspeta-l.*
ר [rexe]
10 Kes algen mau ta ben odja kel-li i es ta ben fika xatiadu.
ש [xin]
Es ta ben rintxa denti i es ta dizaparse.
ת [tau]
Dizeju di kes algen mau ta ben kaba na nada.