Salmu
Kántiku di subida. Salmu di Davidi.
122 N fika kontenti kantu es fla-m:
“Nu bai pa kaza di Jeová.”
2 Ó Jiruzalen, gósi nos pé
Sta déntu di bus porton.
3 Jiruzalen fazedu sima un sidadi
Ku kaza pegadu na kunpanheru.
4 Kes tribu ta subi ti la,
Kes tribu di Jeová,*
Pa agradese nómi di Jeová,
Di akordu ku lei ki Israel dadu.
5 Pamodi la es poi kes tronu pa julgamentu,
Kes tronu di kes disendenti di Davidi.
6 Nhos ora pa Jiruzalen ten pas.
Ó sidadi, kes ki ta ama-u ta ben vive suguru.
7 Pa kontinua ta ten pas déntu di bus muralha,
I suguransa déntu di bus tori fórti.
8 Pamodi N ta ama nhas irmon i nhas kunpanheru, N ta ben fla:
“Ó sidadi, pa ten pas déntu di bo.”
9 Pamodi N ta ama kaza di Jeová, nos Deus,
N ta ben djobe kel ki é midjór pa bo.