Salmu
Kántiku di subida. Salmu di Davidi.
124 “Si Jeová ka staba ku nos...”.
Pa Israel fla:
2 “Si Jeová ka staba ku nos
Kantu nos inimigu ataka-nu,
3 Di serteza es ta mataba nos*
Di tantu raiba ki es tinha di nos.
4 Agu ta rastaba nos,
I txeia ta pasaba pa riba di nos.*
5 Óndias grandi ta kubriba nos.
6 Pa Jeová lovadu,
Pamodi el proteje-nu di nos inimigu ki é sima animal selvajen.
7 Nos é sima un pasu ki skapa
Di armadilha di kasador.
Kel armadilha kebra,
I nos nu skapa.
8 Nos ajuda sta na nómi di Jeová,
Kel ki faze séu ku téra.”