Salmu
Kántiku di subida. Salmu di Salumon.
127 Si Jeová ka faze kaza,
Ka bale péna kes trabadjador trabadja duru na el.
Si Jeová ka proteje sidadi,
Ka bale péna guarda kontinua sienti.
2 Ka bale péna nhos labanta sédu,
Nhos deta tardi,
Nhos trabadja duru pa konsigi kumida,
Pamodi el ta kuida di kes ki el ta ama i tanbê el ta da-s un bon sónu.
3 Nhos odja! Fidju é un eransa di Jeová.
Frutu di bariga é un rekonpénsa.
4 Fidju di un ómi jóven,
É sima flexa na mô di un ómi fórti.
5 Filís é kel ómi ki ta intxi se saku ku kes flexa li.
Es ka ta podu na vergónha,
Pamodi es ta pâpia ku ses inimigu na porton di sidadi.