Salmu
Kántiku di subida.
128 Filís é tudu kes algen ki ten grandi ruspetu pa Jeová,
I ki ta anda na Se kaminhu.
2 Bu ta ben kume kes kuza ki bu mô trabadja duru pa el.
Bu ta ben ser filís i tudu kuza ta ben kóre dretu ku bo.
3 Déntu di bu kaza, bu mudjer ta ben ser sima un pé di uva ki ta da txeu uva.
Bus fidju ta ben sta na vólta di bu méza, sima kes ramu di olivera.
4 É si ki un ómi ki ten grandi ruspetu pa Jeová
Ta ben ser abensuadu.
5 Jeová ta ben abensua-u la di Sion.
Pa tudu dia di bu vida bu odja kuzas ta kóre dretu na Jiruzalen,
6 I pa bu odja fidju di bus fidju.
Pa ten pas na Israel.