Salmu
Kántiku di subida.
129 “Désdi nha juventudi nhas inimigu sta sénpri ta ataka-m...”.
Pa Israel fla:
2 “Désdi nha juventudi nhas inimigu sta sénpri ta ataka-m,
Má es ka vense-m.
3 Alguns di es poi nha kósta ta parse ku un txon ki agrikultor trabadja.
Es dexa marka kunpridu na nha kósta.”
4 Má Jeová é justu.
El korta kórda di kes algen mau.
5 Tudu kes algen ki ta ôdia Sion ta ben fika na vergónha,
Es ta ben fuji umilhadu.
6 Es ta ben bira sima érva ki ta kria riba di tedja,
Ki ta seka antis di es kortadu,
7 Ki ka ta intxi mô di kes algen ki ta faze kodjéta
Nen brasu di kes algen ki ta djunta-s fexu-fexu.
8 Ningen ki ta pasa pa la ka ta ben fla:
“Pa Jeová abênsua nhos.
Nu ta abênsua nhos na nómi di Jeová.”