Salmu

144 Pa Jeová, nha Rótxa, lovadu.

É el ki ta trena nha mô pa luta

I nha dédu pa géra.

 2 El ta mostra-m se amor lial i el é nha proteson,

Nha proteson suguru* i nha libertador,

Nha skudu i kel ki N ta atxa proteson na el,

Kel ki ta poi povu baxu di nha autoridadi.

 3 Ó Jeová, kuzê ki é ómi pa bu repara na el,

I fidju di ómi pa bu presta atenson na el?

 4 Ómi é sima un sinplis folgu.

Ses dia ta pasa sima un sónbra.

 5 Ó Jeová, inbaxa bu séu i dixi.

Toka na kes montanha i pô-s ta bota fumu.

 6 Manda relánpagu pa spadja nhas inimigu.

Da-s ku bus flexa i dexa-s fika na konfuzon.

 7 Stika bu mô la di séu i libra-m.

Salva-m di kes agu brabu,

Di mô di kes stranjeru,

 8 Ki ta konta mintira

I ki ta labanta ses mô direita pa faze juramentu falsu.*

N ta ben kanta* pa lova-u, djuntu ku instrumentu di 10 kórda,

10 Pamodi bu ta da kes rei vitória,*

Bu ta salva bu sérvu Davidi di kes algen ki krê mata-l ku spada.

11 Libra-m i salva-m di mô di kes algen stranjeru,

Ki ta konta mintira

I ki ta labanta ses mô direita pa faze juramentu falsu.

12 Nton, nos fidju matxu ta ben ser sima planta novu ki ta kria faxi,

I nos fidju-fémia ta ben ser sima pilar di kantu ki ta infeita un palásiu.

13 Nos armazén ta ben intxi di tudu tipu di kodjéta.

Nos ovelha na nos kanpu ta ben bira mil bês más txeu, 10 mil bês más txeu.

14 Nos vaka ki sta prenha ka ta ben sufri asidenti nen perde fidju.

Ningen ka ta ben grita di tristéza na nos prasa.