Salmu
Pa diretor di múzika. Un múzika di Davidi.
21 Ó Jeová, rei ta fika kontenti pamodi bo é fórti.
El ta fika txeu kontenti pamodi bu salva-l!
2 Bu da-l kes kuza ki se korason dizeja,
I bu ka nega-l kes kuza ki se bóka pidi. (Selá)
3 Bu ta bai inkontra ku el ku txeu benson.
Bu ta pô-l un koroa di oru finu* na se kabésa.
4 El pidi-u un vida kunpridu i bu da-l el,
Bu da-l un vida kunpridu pa tudu ténpu.
5 El bira ta ruspetadu txeu pamodi bu salva-l.
Bu pô-l ta bira grandi i ta dadu ónra.
6 Bu ta pô-l ta abensuadu pa tudu ténpu.
El ta fika kontenti óras ki el odja ma bu sta ku el.*
7 Rei ta kunfia na Jeová.
Pamodi amor lial di kel Más Grandi, nunka el ka ta kai.
8 Bu mô ta ben pega tudu bus inimigu.
Bu mô direita ta ben pega kes ki ta odia-u.
9 Na kel ténpu ki bu skodje pa bu ben, bu ta distrui-s sima si bu bota-s na lumi.
Jeová ta ben inguli-s pamodi se raiba, i un lumi ta kaba ku es.
10 Bu ta ben distrui ses disendenti* di téra,
Bu ta ben kaba ku ses disendenti.
11 Pamodi es krê fazeba kuzas mariadu kóntra bo.
Es faze planu ki ka ta ben ten bon rezultadu.
13 Ó Jeová, labanta i mostra ma bo é fórti.
Nu ta ben kanta lovor* pamodi bu puder.