KÁNTIKU 52
Nos didikason
Formatu di livru na papel
(Hebreus 10:7, 9 )
1. Jeová, nos Deus, kria tudu
Pamodi se amor.
Mar, séu i Téra é di sel,
Sô el k’é Kriador.
El da-nu folgu di vida.
Nton, ku gratidon,
Nos Pai ta merese pa nu da-l
Lovor i adorason.
2. Kantu Jizus ta batiza,
Na orason el fla:
‘Kel ki bu krê, N ta faze-l.
Ale-m li, ó Jeová.’
Dipôs ki el sai di agu,
Di tudu korason,
El foi obidienti i lial,
El kunpri se orason.
3. Na bo nu ta txiga gósi,
Jeová, nu krê lova-u.
Nu ka krê vive más pa nos,
Nos vida nu ta da-u.
Bu paga présu más altu
Pa nu ten salvason.
Sikrê é pa móre, ó Jeová,
Sirbi-u é nos disizon.
(Odja tanbê Mat. 16:24; Mar. 8:34; Luc. 9:23.)