Nu imita bondadi di Jeová

1. Ó Jeová, Deus di bondadi,

Bu ta abensua-nu txeu.

Bo é santu i perfetu,

Bo é sénpri bon, nos Deus.

Mutu más ki nu merese,

Bu ta mostra konpaxon.

Nu ta xinti txeu kontenti

Di‿adora-u di korason.

2. Nu ta odja bu bondadi

Na bu povu, ó Jeová.

Es ta mostra-l tudu dia,

Na kel k’es ta faze‿ô fla.

Bu ta mostra bu bondadi

Através d’ansions tanbê.

Ó Jeová, da-nu bu spritu

Pa nu ser un bon algen.

3. Ó Jeová, favor abênsua

Kel ki nu faze di bon.

Nu krê mostra txeu bondadi

Inda más pa nos irmons,

I tanbê pa nos família

I p’algen na pregason.

Ku ajuda di bu spritu,

Nu krê faze kel k’é bon.