-
Ki tipu di vida Deus krê pa nu ten?Vive filís pa tudu ténpu! — Un livru pa studa Bíblia
-
-
LISON 25
Ki tipu di vida Deus krê pa nu ten?
Bíblia ta fla ma nos vida é ‘kurtu i xeiu di preokupason.’ (Jó 14:1) É kel vida li ki Deus krê pa nu ten? Si é ka kel-li, nton ki vida el krê pa nu ten? Algun dia nu pode vive sima el krê? Bu ta fika kontenti di sabe kuzê ki Bíblia ta fla sobri kel-li.
1. Ki tipu di vida Jeová krê pa nu ten?
Jeová krê pa nu ten kel midjór vida ki ten. Kantu Deus faze primeru ómi ku mudjer, Adon ku Eva, el pô-s na un paraízu bunitu ki txomaba jardin di Éden. Dipôs ‘Deus abensua-s i Deus fla-s: “Nhos ten fidjus i nhos bira txeu; nhos intxi Téra i nhos manda na el”’. (Génesis 1:28) Jeová kreba pa es tinha fidju, pa es biraba Téra interu un paraízu i pa es kuidaba di animal. Se vontadi éra pa tudu algen tinha bon saúdi i pa es viveba pa tudu ténpu.
Nbóra kuzas ka kontise sima Deus kreba,a se vontadi ka muda. (Isaías 46:10, 11) Inda Deus krê pa kes algen ki ta obi ku el ten un vida perfetu pa tudu ténpu. — Lé Apocalipse 21:3, 4.
2. Modi ki nu pode ten un vida ku obijetivu gósi?
Jeová faze-nu ku ‘nisisidadi spritual’, ô ku dizeju di konxe-l i adora-l. (Lé Mateus 5:3-6.) El krê pa nu ten un amizadi fórti ku el, ‘pa nu anda sénpri na se kaminhus, pa nu ama-l’ i pa nu sirbi-l ‘di tudu nos korason’. (Deuteronómio 10:12; Salmo 25:14) Si nu faze si, nu ta xinti alegria di verdadi sikrê nu sta pasa pa prublémas. Óras ki nu ta adora Jeová, nu ta xinti ma nos vida ten obijetivu, dja ki nu sta vive di manera ki el krê.
SABE MÁS
Prende modi ki Jeová mostra ma el ta ama-nu txeu kantu el pripara Téra pa nos. Prende tanbê kuzê ki Bíblia ta inxina sobri obijetivu di vida.
3. Jeová krê pa nu ten un vida rei di sábi
Odja VÍDIU, i dipôs pâpia sobri kel pergunta li:
Pamodi ki Deus kria Téra di un manera bunitu?
Lé Eclesiastes 3:11, i dipôs pâpia sobri kel pergunta li:
Kuzê ki kel-li ta inxina-u sobri Jeová?
4. Vontadi di Jeová ka muda
Lé Salmo 37:11, 29 i Isaías 55:11, i dipôs pâpia sobri kel pergunta li:
Modi ki nu sabe ma kuzê ki Jeová krê pa nos ka muda?
Un kaza ki stragadu pode konpodu otu bês. Di mésmu manera, algen sta ta straga Téra, má Deus ta ben konpo-l pa kes algen ki ta ama-l.
5. Nos vida ta ten obijetivu si nu adora Jeová
Sabe ma nos vida ten obijetivu ta da-nu filisidadi. Odja VÍDIU, i dipôs pâpia sobri kel pergunta li:
Kantu Terumi prende kal ki é obijetivu di vida, modi ki kel-li djuda-l?
Lé Eclesiastes 12:13, i dipôs pâpia sobri kel pergunta li:
Dja ki Jeová dja faze txeu kuza pa nos, modi ki nu pode mostra-l nos gratidon?
UN ALGEN PODE PERGUNTA: “Kal ki é obijetivu di vida?”
Modi ki bu ta respondeba?
REZUMU
Jeová krê pa nu ten un vida perfetu i pa nu vive pa tudu ténpu na Téra. Óras ki nu adora-l di tudu korason, nu ta ten un vida ku obijetivu mésmu gósi.
Perguntas di rezumu
Ki tipu di vida Jeová kreba pa Adon ku Eva?
Modi ki nu sabe ma vontadi di Deus pa nos ka muda?
Modi ki bu pode ten un vida ku obijetivu?
DJOBE MÁS
Odja pamodi ki nu pode ten sertéza ma jardin di Éden izistiba mê.
“Jardin di Éden — El txiga di izisti ô é sô un stória?” (Sentinéla, 1 di janeru di 2011)
Prende pamodi ki nu pode ten sertéza ma Téra ta kontinua pa tudu ténpu.
Odja kuzê ki Bíblia ta fla sobri obijetivu di vida.
Odja modi ki un ómi ki ta atxaba ma el tinha tudu na vida xinti ma sta faltaba el algun kuza.
a Na kel otu lison, nu ta ben prende pamodi ki nu ka tene kel vida ki Deus krê pa nu ten.
-
-
Kuzê ki é Reinu di Deus?Vive filís pa tudu ténpu! — Un livru pa studa Bíblia
-
-
2. Ken ki sta ba governa ku Jizus?
Jizus ka ta ba governa el sô. Algen di ‘tudu tribu, língua, povu i nason ta ben reina sobri Téra’ djuntu ku el. (Apocalipse 5:9, 10) Kantu algen ki ta ba governa ku Jizus? Désdi ki Jizus ben Téra, milhons di algen bira ta sigi-l. Má é sô 144 mil ki ta ba governa ku Jizus na Séu. (Lé Apocalipse 14:1-4.) Tudu kes otu algen ta ben vive na Téra dibaxu di Reinu di Deus. — Salmo 37:29.
-
-
Kuzê ki Reinu di Deus ta ben faze?Vive filís pa tudu ténpu! — Un livru pa studa Bíblia
-
-
Kuzê ki Reinu di Deus ta ben faze?
Reinu di Deus dja sta ta governa. Ka ta dura el ta ben faze txeu mudansa na Téra. Nu ben odja alguns di kes kuza sábi ki Reinu di Deus ta ben faze.
1. Modi ki Reinu di Deus ta ben traze pas i justisa na Téra?
Jizus, ki é Rei di Reinu di Deus, ta ben kaba ku kes algen mau i govérnus di ómi na géra di Armajedon. (Apocalipse 16:14, 16) Na kel ténpu la, kel promésa di Bíblia li ta ben kunpri: ‘Ka ta dura kes algen mau ta ben dexa di izisti’. (Salmo 37:10) Jizus ta ben uza Reinu pa traze pas i justisa pa Téra interu. — Lé Isaías 11:4.
2. Modi ki nos vida ta ben ser óras ki vontadi di Deus fazedu na Téra?
Dibaxu di Reinu di Deus, ‘Téra ta ben ser di kes algen justu i es ta ben vive na el pa tudu ténpu.’ (Salmo 37:29) Imajina vive na un mundu undi ki tudu algen é justu, es ta ama Jeová i es ta ama kunpanheru! Ningen más ka ta fika duenti i tudu algen ta ben vive pa tudu ténpu.
3. Kuzê ki Reinu di Deus ta ben faze dipôs ki kes algen mau distruídu?
Dipôs ki kes algen mau distruídu, Jizus ta ben governa pa mil anu. Duránti kel ténpu, Jizus, djuntu ku kes 144 mil ki ta ba governa ku el, ta ben djuda pesoas na Téra bira perfetu. Na fin di kes mil anu, Téra ta sta un paraízu, xeiu di algen filís pamodi es ta obi ku leis di Jeová. Nton, Jizus ta ntrega Reinu pa se Pai, Jeová. Sima nunka ka fazedu antis, ‘nómi di Jeová ta ben ser santifikadu.’ (Mateus 6:9, 10) Ta ben fika provadu ma Jeová é un bon Governanti ki ta preokupa ku pesoas. Dipôs Jeová ta ben distrui Satanás, se dimónis i kalker algen ki disidi rabela kóntra Se govérnu. (Apocalipse 20:7-10) Reinu di Deus ta ben da-nu un vida perfetu ki ta dura pa tudu ténpu.
SABE MÁS
Odja pamodi ki nu pode kunfia ma Deus ta ben uza se Reinu pa kunpri tudu promésa sobri futuru ki sta na Bíblia.
4. Reinu di Deus ta ben kaba ku govérnus di ómi
‘Ómi ta manda na ómi pa se disgrasa.’ (Eclesiastes 8:9) Jeová ta ben uza se Reinu pa kaba ku kel injustisa li.
Lé Daniel 2:44 i 2 Tessalonicenses 1:6-8, i dipôs pâpia sobri kes pergunta li:
Kuzê ki Jeová i se Fidju, Jizus, ta ben faze ku govérnus di ómi i ku kes ki ta apoia-s?
Kuzê ki bu prende sobri Jeová i se Fidju ki ta da-u sertéza ma kes kuza ki es ta ben faze ta ser justu?
5. Jizus é midjór Rei ki ten
Jizus, ki é Rei di Reinu di Deus, ta ben faze txeu kuza pa djuda pesoas na Téra. Odja VÍDIU ki ta mostra ma Jizus krê djuda pesoas i ma Deus da-l puder pa el faze kel-la.
Kes kuza ki Jizus faze kantu el staba na Téra mostra kuzê ki Reinu di Deus ta ben faze. Kal di kes benson ki sta na kuadru bu tene vontadi di odja ta kontise? Lé kes testu di Bíblia pa djuda-u prende más sobri kes benson.
KANTU JIZUS STABA NA TÉRA, EL. . .
LA DI SÉU, JIZUS TA BEN. . .
kontrola kes forsa di naturéza. — Marcos 4:36-41.
rezolve prublémas di anbienti. — Isaías 35:1, 2.
da monti algen kumida. — Mateus 14:17-21.
kaba ku fómi na mundu. — Salmo 72:16.
kura tudu tipu di duénsa. — Lucas 18:35-43.
da tudu algen saúdi perfetu. — Isaías 33:24.
resusita pesoas. — Lucas 8:49-55.
resusita pesoas. — Apocalipse 21:3, 4.
6. Reinu di Deus ta ben da-nu un futuru rei di sábi
Reinu ta ben da-nu kel vida ki Jeová sénpri kreba pa nu tinha. Pesoas ta ben vive pa tudu ténpu na un paraízu na Téra. Odja VÍDIU pa sabe modi ki Jeová sta ta uza se Fidju, Jizus, pa kunpri Se vontadi.
Lé Salmo 145:16, i dipôs pâpia sobri kel pergunta li:
Modi ki bu ta xinti di sabe ma Jeová ta ben ‘faze vontadi di tudu kuza bibu’?
ALGUNS ALGEN TA FLA: “Si nu djunta mô, nu ta konsigi kaba ku tudu prubléma na mundu.”
Ki prublémas Reinu di Deus ta ben rezolve ki govérnus di ómi ka ta konsigi rezolve?
REZUMU
Reinu di Deus ta ben faze kel ki Deus krê pa el faze. El ta ben bira Téra interu un paraízu, xeiu di algen dretu ki ta adora Jeová pa tudu ténpu.
Perguntas di rezumu
Modi ki Reinu di Deus ta ben santifika nómi di Jeová?
Pamodi ki nu pode kridita ma Reinu di Deus ta ben kunpri tudu promésa ki sta na Bíblia?
Di tudu kes kuza ki Reinu ta ben faze, kal di es ki bu tene más vontadi di odja ta kontise?
DJOBE MÁS
Prende kuzê ki é Armajedon.
Sabe más sobri kes kuza ki sta ben kontise duránti kel ténpu ki Jizus txoma di “grandi tribulason”. — Mateus 24:21.
Odja modi ki famílias pode imajina ta vive djuntu na Paraízu.
Na artigu “N tinha txeu pergunta ki ta preokupaba mi”, odja modi ki un ómi ki rabela kóntra pulítika di se país, atxa soluson pa prublémas ki ta preokupaba el.
“Bíblia ta muda vida di algen” (Sentinéla, 1 di janeru di 2012)
-