Ka ta dura Jeová ta ben uza se Reinu pa kaba ku tudu nos prubléma. Kes notísia li é sábi dimás pa nu fika ku es sô pa nos. É pur isu ki Jizus krê pa nu pâpia sobri es ku tudu algen! (Mateus 28:19, 20) Modi ki Tistimunhas di Jeová sta ta sigi kel órdi di Jizus?

1. Modi ki Mateus 24:14 sta ta kunpri na nos ténpu?

Jizus fla: ‘Kes notísia sábi di Reinu ta ben ser pregadu na mundu interu’. (Mateus 24:14) Tistimunhas di Jeová sta kontenti di faze kel trabadju inportanti li. Nu sta ta prega kes notísia sábi li na mundu interu, na más di 1.000 língua! Nu ten ki sforsa i sta ben organizadu pa faze kel trabadju grandi li. Nu ka ta konsigi fazeba el sen ajuda di Jeová.

2. Kuzê ki nu ta faze pa pâpia ku pesoas sobri notísias sábi?

Nu ta prega na kalker lugar ki nu ta atxa algen. Sima kes kriston na ténpu di apóstlus, nu ta prega ‘di kaza en kaza’. (Atos 5:42) Di kel manera li, nu ta konsigi pâpia ku milhons di algen tudu anu. Má, dja ki pesoas ka ta sta sénpri na kaza, tanbê nu ta prega na lugaris públiku. Nu ta sta sénpri ta djobe oportunidadi pa pâpia ku pesoas sobri Jeová i se vontadi.

3. Ken ki debe prega notísias sábi?

Tudu kristons verdaderu debe pâpia ku otus sobri notísias sábi. Kel-li é un asuntu sériu pa nos. Nu ta faze tudu kel ki nu pode pa nu prega pamodi vida di pesoas sta na prigu. (Lé 1 Timóteo 4:16.) Nu ka ta pagadu pa faze kel trabadju li, pamodi Bíblia ta fla: ‘Nhos dadu di grasa; pur isu nhos da di grasa tanbê.’ (Mateus 10:7, 8) É ka tudu algen ki ta obi nos mensaji. Má, nu ta kontinua ta prega pamodi nu krê obi ku Jeová i pô-l kontenti.

SABE MÁS

4. Nu ta sforsa pa pâpia ku tudu algen

VÍDIU: Ta prega ti na ‘párti más lonji di Téra’ (7:33)

• Kuzê ki ta dexa-u dimiradu ku sforsu ki Tistimunhas di Jeová sta ta faze pa prega?

Lé Mateus 22:39 i Romanos 10:13-15, i dipôs pâpia sobri kes pergunta li:

• Modi ki nos trabadju di pregason ta mostra ma nu ta ama pesoas?

• Kuzê ki Jeová ta atxa di kes algen ki ta prega notísias sábi? — Odja versíklu 15.

5. Anos é kolaboradoris di Deus

Txeu spiriénsa ta mostra ma é Jeová ki sta ta orienta nos trabadju. Pur izénplu, un irmon na Nova Zilándia ki txoma Polu, staba ta prega un dia di tardi i el pâpia ku un mudjer. Na kel mésmu dia di palmanhan, kel mudjer dja oraba ta uza nómi di Deus, Jeová, i ta pidi pa un algen bai vizita-l. Polu fla: “Três óra dipôs dja N staba na se kaza.”

Lé 1 Coríntios 3:9, i dipôs pâpia sobri kel pergunta li:

• Modi ki spiriénsas sima kel ki kontise na Nova Zilándia, ta mostra ma Jeová sta ta orienta trabadju di pregason?

Lé Atos 1:8, i dipôs pâpia sobri kel pergunta li:

• Pamodi ki nu meste di ajuda di Jeová pa faze nos trabadju di pregason?

Bu sabia?

Na kes runion ki nu ta faze na meiu di simana, nu ta inxinadu modi ki nu debe prega. Si dja bu kustuma sisti algun di kes runion li, kuzê ki bu atxa di kel trenu ki ta dadu?

6. Nu ta obi ku órdi ki Deus da-nu pa prega

Na ténpu di apóstlus, kes algen ki éra kóntra kes sigidor di Jizus tenta inpidi-s di prega. Kes primeru kriston difende ses direitu di prega ‘kes notísia sábi i na pô-s ta fika legal.’ (Filipenses 1:7) Tistimunhas di Jeová ta faze mésmu kuza oji.a

VÍDIU: Ta difende direitu di prega notísias sábi (2:28)

Lé Atus 5:27-42, BPK, i dipôs pâpia sobri kel pergunta li:

• Pamodi ki nu ka debe para di prega? — Odja versíklus 29, 38 i 39.

REZUMU

Jizus orienta se sigidoris pa prega notísias sábi na tudu nason. I Jeová sta ta djuda se povu faze kel trabadju la.

Perguntas di rezumu

• Modi ki notísias sábi sta ta pregadu na mundu interu?

• Modi ki nos pregason ta mostra ma nu ta ama otus algen?

• Bu ta atxa ma pregason ta pô-nu filís? Pamodi?

DJOBE MÁS

Odja modi ki Tistimunhas di Jeová ta prega na kes sidadi ki ten txeu algen.

Tistimunhu públiku spesial na sidadi di Paris (5:11)

Kuzê ki Tistimunhas di Jeová dja faze pa djuda kes rafujiadu?

Ta mata sedi spritual di kes algen rafujiadu (5:59)

Odja un algen ta splika pamodi ki uza se vida na pregason pô-l kontenti.

Ami é filís pamodi N ta sirbi Jeová pa ténpu interu (6:29)

Prende sobri alguns disizon inportanti ki tribunal toma ki poi trabadju di pregason ta fika más fásil.

“Kes ki ta prega sobri Reinu lebadu pa tribunal” (Reinu di Deus dja sta ta governa!, kapítlu 13)

Jizus fla ma tudu kriston debe batiza. (Lé Mateus 28:19, 20.) Má kuzê ki é batismu? I kuzê ki un algen debe faze pa el pode batiza?

1. Kuzê ki é batismu?

“Batiza” ta ben di un palavra gregu ki siginifika “murgudja”. Kantu Jizus batiza, se korpu interu kanba déntu di riu Jurdon i dipôs el ‘sai di agu’. (Marcos 1:9, 10) Sima Jizus, óras ki kristons verdaderu ta batiza, ses korpu interu debe kanba déntu di agu.

2. Kuzê ki un algen ta mostra óras ki el ta batiza?

Óras ki un algen ta batiza, el ta mostra ma dja el da se vida pa Jeová. Modi ki un algen ta da se vida pa Jeová? Antis di el batiza, el ta faze un orason, i na kel orason el ta fla Jeová ma el krê sirbi-l pa tudu ténpu. El ta promete adora sô Jeová, i faze Se vontadi ta ser kel kuza más inportanti na se vida. El ta disidi ‘nega se kabésa i sigi sénpri’ izénplu di Jizus i kes kuza ki el inxina. (Mateus 16:24) Óras ki el da se vida pa Jeová i el batiza, el ta konsigi ten un amizadi fórti ku El i ku kes algen ki ta sirbi Jeová.

3. Kuzê ki un algen meste faze antis di el batiza?

Antis di bu batiza é inportanti prende sobri Jeová i bira bu fé na el más fórti. (Lé Hebreus 11:6.) Sima bu ta ba ta faze kel-li, bu amor pa Jeová ta bira más fórti. Di sertéza bu ta krê pâpia ku otus sobri el i vive sima el ta krê. (2 Timóteo 4:2; 1 João 5:3) Óras ki un algen sta vive di un manera ki ta agrada Jeová, el pode disidi da se vida pa El i batiza. — Colossenses 1:9, 10.a

SABE MÁS

4. Nu pode prende txeu kuza ku batismu di Jizus

Lé Mateus 3:13-17 pa bu prende más sobri batismu di Jizus. Dipôs pâpia sobri kes pergunta li:

• Jizus batizadu kantu el éra bebé?

• Modi ki el batizadu? El podu sô un bokadinhu di agu na kabésa?

Kantu Jizus batiza, el kumesa ta faze kel trabadju inportanti ki Deus manda-l faze. Lé Lucas 3:21-23 i João 6:38, i dipôs pâpia sobri kel pergunta li:

• Dipôs ki Jizus batizadu, kal ki éra trabadju más inportanti na se vida?

5. Bu pode konsigi batiza

Kel ideia di da bu vida pa Jeová i batiza pode parse un kuza grandi dimás. Má, bu pode faze prugrésu i xinti más kunfiansa di toma kel disizon inportanti la. Odja izénplu di alguns algen ki konsigi faze kel-la. Odja VÍDIU.

VÍDIU: Bira más amigu di Jeová (1:11)

Lé João 17:3 i Tiago 1:5, i dipôs pâpia sobri kel pergunta li:

• Kuzê ki pode djuda un algen pripara pa batiza?

1. Nu ta da nos vida pa Jeová óras ki nu ta fla-l ma nu krê sirbi-l pa tudu ténpu

2. Óras ki nu ta batiza, nu ta mostra pa tudu algen ma nu da nos vida pa Deus

6. Óras ki nu batiza nu ta faze párti di família di Jeová

Óras ki nu batiza, nu ta faze párti di un família unidu na mundu interu. Nbóra anos é di lugar i kultura diferenti, nu ta kridita na kes mésmu kuza i nu ta sigi kes kuza ki Bíblia ta fla. Lé Salmo 25:14 i 1 Pedro 2:17, i dipôs pâpia sobri kel pergunta li:

• Dipôs ki un algen batiza, ki tipu di amizadi el ta ten ku Jeová i ku kes ki ta adora-L?

REZUMU

Jizus fla ma tudu kriston debe batiza. Pa un algen konsigi faze kel-la, el ten ki kontinua ta ten un fé fórti na Jeová, vive sima El ta krê i da se vida pa El.

Perguntas di rezumu

• Kuzê ki é batismu i pamodi ki é inportanti batiza?

• Kuzê ki batismu ta mostra?

• Kuzê ki un algen meste faze antis di el da se vida pa Jeová i batiza?

DJOBE MÁS

Sabe kuzê ki é batismu, i odja alguns ideia mariadu ki pesoas ten sobri batismu.

“Kuzê ki é batismu?” (Artigu na jw.org)

Lenbra di alguns kuza ki pode djuda un algen faze prugrésu i batiza.

“Amor i gratidon pa Jeová ta poi algen ta batiza” (Sentinéla, marsu di 2020)

Lé sobri kuzê ki poi un ómi ta disidi batiza.

“Es kria pa N provaba nha kabésa kal ki éra verdadi” (Sentinéla, 1 di febreru di 2013)

Odja pamodi ki bale péna sforsa pa batiza i modi ki bu pode pripara pa faze-l.

“N debe batiza?” (Bons respósta pa perguntas ki jóvens ta faze — Volumi 2, kapítlu 37)