Un vizon ki ta bira nos fé más fórti

9:1-7

Imajina modi ki Jizus xinti na kel vizon kantu el obi se Pai ta fla ma el staba kontenti ku el. Kel-la da Jizus más forsa pa el konsigi aguenta kel sufrimentu ki el staba ta ben pasa pa el. Tanbê kel vizon mexe txeu ku Pedru, Tiagu i Juan. Kel-la konvense-s ma Jizus éra Misías i ki es faze dretu di obi ku el. Uns 32 anu dipôs, Pedru kontinua ta lenbra di kel vizon i modi ki el djuda-l ten más fé na profesias sobri Jizus. — 2Pe 1:16-19.

Nbóra nu ka staba la pa odja kel grandi vizon, nu sta odja-l ta kunpri. Jizus dja sta ta governa i el é un Rei poderozu. Ka ta dura el ta ben ‘konpleta se vitória’ i el ta ben traze kel mundu novu di justisa. — Ap 6:2.

Modi ki odja profesias di Bíblia ta kunpri djuda bu fé bira más fórti?